Në pasditen e ditës së 47-të të revoltës qytetare, asfalti përpara selisë së qeverisë është mbuluar nga një mesazh i madh proteste. Në sheshin ku zhvillohen çdo ditë tubimet, protestuesit kanë pikturuar në tokë një thirrje të drejtpërdrejtë ndaj drejtësisë dhe përfaqësuesve të pushtetit.
“Rama-Balluku, SPAK YOU!” ishte fraza e shkruar me germa të mëdha nga qytetarët. Përmes këtij formulimi ironik dhe revoltues, ata kërkuan që dy figurat qendrore të kabinetit qeveritar të përballen menjëherë me përgjegjësinë ligjore.
Të lidhura
None found
Gjatë tubimit të sotëm në bulevard, në qendër të fjalimeve ishin sërish mesazhet për Prokurorinë e Posaçme (SPAK) dhe GJKKO-në. Aktivistët dhe qytetarët e pranishëm theksuan se përkrahja e tyre ndaj institucioneve të reja të drejtësisë nuk është e pakushtëzuar, por lidhet me kërkesën e qartë që hetimet të arrijnë pa kompromis deri në nivelet më të larta të pushtetit.
Në nisje të marshimit, aktivisti Edison Lika e formuloi prerazi kërkesën kryesore, duke deklaruar se, ashtu siç është thënë edhe më herët, SPAK-ut i kërkohet të hetojë Edi Ramën si “kokën kriminale të këtij sistemi të korruptuar”.
