Qeveria ka vendosur që ta konsultojë më Kuvendin marrëveshjen me Italinë përpranimin e emigrantëve pasi ajo është firmosur mes kryeministrit të Shqipërisë Rama dhe asaj të Italisë, Giorgia Meloni.
Këshilli i Ministrave ka miratuar sot një projektligj, përmes të cilit kërkon dhënien e miratimit nga parlamenti për aplikimin e kësaj marrëveshjeje.
Kuvendit tashmë, me gjasë vetëm socialistëve, do t’i duhet vetëm të ratifikojë siç është marrëveshjen pa e diskutuar fillimisht edhe në parim duke qenë se bëhet fjalë për një vendim që i shtrin ndikimet për një kohë më të gjatë se një mandat qeveritar.
Projektligji
V E N D I M
PËR
PROPOZIMIN E PROJEKTLIGJIT “PËR RATIFIKIMIN E PROTOKOLLIT, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS ITALIANE, PËR FORCIMIN E BASHKËPUNIMIT NË FUSHËN E MIGRACIONIT”
Në mbështetje të nenit 100 të Kushtetutës dhe të nenit 17, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit të Mbrojtjes dhe të ministrit të Brendshëm, Këshilli i Ministrave
V E N D O S I:
Propozimin e projektligjit “Për ratifikimin e protokollit, ndërmjet Këshillit të Ministrave të Republikës së Shqipërisë dhe qeverisë së Republikës Italiane, për forcimin e bashkëpunimit në fushën e migracionit”, për shqyrtim e miratim në Kuvendin e Republikës së Shqipërisë, sipas tekstit dhe relacionit që i bashkëlidhen këtij vendimi.
Ky vendim hyn në fuqi menjëherë.
