Rusia është e gatshme të rrisë furnizimin me gaz në Evropë përmes gazsjellësit Nord Stream 2 sapo të marrë “dritën jeshile” për fillimin e saj nga Gjermania, tha sot Vladimir Putin, duke përsëritur politikën energjetike të Bashkimit Evropian për krizën e gazit dhe rritjen e çmimet në Evropë.
“Tregjet evropiane të gazit po përballen me një mungesë prej 70 miliardë metra kub gaz,” ka thënë Putin, duke shtuar se kjo kishte ndodhur, megjithëse Rusia kohët e fundit kishte rritur eksportet e saj.
Putin tha gjithashtu se Rusia është në rrugë të mirë për të përfunduar mbushjen e linjës së dytë të Nord Stream 2 me gaz në dhjetor.
Përfaqësuesi i Rusisë në Bashkimin Evropian, Vladimir Tsizov, ndoqi shembullin, duke theksuar se “linja e parë e Nord Stream 2 ishte e mbushur me gaz dhe certifikimi ende nuk është përfunduar për të filluar funksionimin. Gjithçka varet nga rregullatori gjerman. Kanë mbetur edhe katër muaj për certifikim, afati është 8 janari”, duke shtuar se zhvillimet pozitive në këtë çështje do të përfitojnë konsumatorët europianë./albeu.com
