Këtë të premte, opozita do të zhvillojë protestën e radhës para Bashkisë së Tiranës, teksa kërkohet largimi i Erion Veliajt.
Protesta pritet të nisë në orën 11:00, ndërsa Policia e Tiranës, ka njoftuar se do të ketë disa bllokime në segmentet rrugore.
Policia gjithashtu, apelon për të gjithë qytetarët që të shmangin lëvizjen në këto akse rrugore dhe të përdorin rrugë alternative, deri në përfundim të tubimit, si Unaza e Mesme dhe Unaza e Madhe.
“Për shkak të zhvillimit të një tubimi, ditën e sotme, në orën 11:00, përpara Bashkisë Tiranë, do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve.
Njoftojmë qytetarët se sot, prej orës 11:00 e deri në përfundim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës”, thuhet në njoftimin e Policisë.
