Policia reagon për plagosjen me armë zjarri në Shkodër

Policia ka dhënë informacion në lidhje me ngjarjen e ndodhur mëngjesin e sotëm në Shkodër, ku 40-vjeçari Aleksandër Curri, u plagos me armë zjarri.

Ngjarja ka ndodhur rreth orës 09:00, në vendin e quajtur “Dollari”, ndërsa i plagosuri është dërguar në spital dhe po merr ndihmë mjekësore.

EMRI/ Katër plumba në drejtim të tij, kush është personi i plagosur në Shkodër

“E gjeta të shtrirë, unë isha këtu”, flet dëshmitarja që i dha ndihmë të plagosurit, si iku autori

Në lidhje me autorin, dyshohet se ai është larguar në brendësi të lagjeve të qytetit.

Sakaq, një dëshmitare ka deklaruar se i plagosuri eci në këmbë për disa momente dhe u shtri në tokë.

Ajo i dha ndihmën e parë, teksa u shpreh se ai ishte i plagosur në stomak.