Një ngjarje e rëndë është regjistruar pak orë më parë në lagjen “15 Tetori” në Fier, ku një 35-vjeçar ka mbetur i plagosur me mjet prerës. Sipas njoftimit të Policisë, 35-vjeçari Eldi Gremi, është paraqitur i dëmtuar në Spitalin Rajonal të Fierit, pasi dyshohet se është goditur me thikë gjatë një konflikti.
Pavarësisht mosbashkëpunimit të të dëmtuarit, është bërë i mundur identifikimi i autorit të dyshuar. Policia ka shpallur në kërkim 25-vjeçarin me iniciale A. K, i cili dyshohet se gjatë një konflikti ka plagosur me thikë në pjesën e barkut.
Të lidhura
None found
Njoftimi i Policisë:
Fier Zbardhet ngjarja e ndodhur pak orë më parë në lagjen “15 Tetori”, Fier, ku u plagos me mjet prerës (thikë) shtetasi E. G., 35 vjeç. Policia ka identifikuar autorin e dyshuar dhe vijon punën për kapjen e tij. Pas njoftimit se në Spitalin Rajonal Fier është paraqitur i dëmtuar shtetasi E. G., 35 vjeç, i cili dyshohet se ishte plagosur me mjet prerës (thikë) gjatë një konflikti. Shërbimet e Policisë kanë ndërmarrë menjëherë veprime për zbardhjen e rrethanave të ngjarjes.
Si rezultat i veprimeve të shpejta hetimore, pavarësisht mosbashkëpunimit të të dëmtuarit, u bë i mundur identifikimi i autorit të dyshuar. Policia ka shpallur në kërkim shtetasin A. K., 25 vjeç, banues në Fier, i cili dyshohet se gjatë një konflikti ka plagosur me mjet prerës (thikë) në pjesën e barkut shtetasin E. G. Vijon puna për lokalizimin dhe kapjen e tij.
