Pamje të rënda, porta gjysmë tonëshe zë poshtë 8-vjeçaren (VIDEO)

Një portë metalike që peshonte mbi gjysëm toni ka zënë poshtë një 8-vjeçare.

Lajmin e kanë bërë të ditur mediat në Greqi, të cilat kanë publikuar pamje të marra nga oborri i fabrikës ku humbi jetën tragjikisht e mitura.

Ngjarja e rëndë ka ndodhur në një fabrikë në Keratsini në portën metalike të së cilës mbeti Olga e vogël që nuk mundi t’u mbijetonte plagëve.

Porta prej metali peshon gjysmë toni dhe vajza po qëndronte përpara saj ndërsa ajo mbyllej automatikisht. Pamjet e filmuara nga kamerat e sigurisë në objekt tregojnë momentin tragjik kur vajza mbet e zënë nga dera si dhe njerëzit që vijnë më pas pa e kuptuar se çfarë kishte ndodhur.

Ngjarja e rëndë ka ndodhur më 17 nëntor, Olga e vogël luftoi për ajër për 20 minuta po askush nuk ndodhej aty për t’i ardhur në ndihmë. Ndërsa transmetoheshin pamjet, moderatorja e Star Tv, Mara Zaharea nuk mundi t’i mbante lotët.

Siç raportojnë mediat në vend, disa punonjës e panë vajzën që kishte ngecur tek dera, por askush nuk e mori mundimin t’i jepte ndihmë. Një prej tyre madje e lëvizte me këmbë ndërsa mbante i drejtonte një elektrik dore./albeu.com/


Shtuar 25.11.2021 22:42