Organizata Botërore e Shëndetësisë ka paralajmëruar popullatën që të mos i frikësohen variantit të ri Omicron.
“Bota nuk duhet të bjerë në panik për variantin e ri Omicron të Covid-19, por duhet të përgatitet”, ka deklaruar Organizata Botërore e Shëndetësisë (OBSH).
Duke folur në një konferencë për shtyp të premten (3 dhjetor), shkencëtarja kryesore e OBSH-së Soumya Sëaminathan tha se situata tani ishte shumë e ndryshme nga një vit më parë.
Raportet sugjerojnë se Omicron është gjetur në rreth 40 vende.
Është ende e paqartë nëse varianti me mutacion të lartë është më i transmetueshëm ose më i aftë për t’iu shmangur vaksinave.
“Ne duhet të jemi të përgatitur dhe të kujdesshëm, nuk duhet panik”, tha shkencëtarja kryesore e OBSH-së, Soumya Sëaminathan.
Të dhënat e hershme të raportuara nga shkencëtarët në Afrikën e Jugut, ku varianti u zbulua për herë të parë, sugjerojnë se Omicron mund të shmangë njëfarë imuniteti ndaj Covid-19 , megjithëse ekspertët paralajmërojnë se analiza nuk është përfundimtare.
Greqia ndryshon masat për hyrjen në vend, ndalon hyrjen e shtetasve nga vendet e treta. Çfarë ndodh me Shqipërinë?
Dr Swaminathan tha në konferencën e Reuters NEXT se varianti është “shumë i transmetueshëm”, duke cituar të dhëna nga Afrika e Jugut, dhe tha se mund të bëhet lloji dominues në mbarë botën, megjithëse kjo është e vështirë të parashikohet.
Delta aktualisht përbën 99% të rasteve globalisht, shtoi ajo.
“Sa duhet të shqetësohemi? Duhet të jemi të përgatitur dhe të kujdesshëm, jo panik, sepse jemi në një situatë ndryshe nga një vit më parë,” tha ajo.
Drejtori i urgjencave të OBSH-së, Mike Ryan, ndërkohë tha se bota aktualisht ka “vaksina shumë efektive” kundër Covid-19 dhe fokusi duhet të jetë në shpërndarjen e tyre më gjerësisht. Ai tha se nuk kishte asnjë provë për të mbështetur ndryshimin e këtyre hapjeve për t’i përshtatur ato me variantin e ri Omicron./Ora News/
