Gjykata e Tiranës ka caktuar masën “arrest me burg” për Vijard Kotorrin, Ervin Kamollin si dhe Edmond Dokushi.
Ata akuzohen për “mashtrim me monedhat”, si dhe për falsifikimin e tyre.
Kotori, njëri prej të arrestuarve, deklaroi sot nga salla e gjyqit se kishte gjetur në rrugë në Laprakë disa ditë më parë 8 mijë dollarë, por vetëm 2 prej tyre kishte tentuar që të thyente dhe se pjesën tjetër e kishte djegur.
Pjesë nga biseda me sportelisten:
Kotori: Ka njeri këtu? Si kalove?
Punonjësja: Mirë
Kotori: Po prisja..
Punonjësa: Ku shkon me këto? Këto janë false të gjitha
Kotori: Si false?
Punonjësja: Po janë false
Kotori: Je mirë?
Punonjësja: Ti sjell false në zyrën time dhe më thua a jam mirë unë?! Apo të lajmëroj policinë
Kotori: Ato janë marrë nga banka
Punonjësja: Këto janë marrë nga banka?
Kotori: Po!
Punonjësja: Ok ja e verifikojmë. Marr unë shefin dhe e shohim.
Kotori: A ka mundësi që të më japësh lekët mbrapsht?
Punonjësja: Jo sepse ti po më thua që unë nuk jam mirë. Pse i ke sjellë në zyrë këto false? (I numëron dhe dalin 20 prerje 100 dorëllarëshe) Bravo, 2 mijë dollar.
Në momentin kur punonjësja i bie telefonit të shefit, personi që tenton ta mashtrojë bëni sikur flet në telefon dhe largohet nga pika e këmbimit valutor.