Temperaturat e larta që kanë përfshirë Shqipërinë në ditët e fundit janë shtrirë në të gjithë vendin, duke rritur shqetësimin për pasojat që mund të sjellin në shëndetin e qytetarëve. Ndër më të rrezikuarit konsiderohen të moshuarit, fëmijët dhe personat që vuajnë nga sëmundje kronike.
Duke marrë parasysh këtë situatë, Ministria e Shëndetësisë ka bërë thirrje për kujdes të shtuar dhe zbatim të masave mbrojtëse, duke përcjellë edhe rekomandimet e specialistëve të Institutit të Shëndetit Publik.
Të lidhura
None found
Sipas ekspertëve, është thelbësore që të konsumohen lëngje në mënyrë të rregullt, të shmanget ekspozimi në diell gjatë orëve kur temperaturat arrijnë kulmin dhe të zgjidhen ambiente të freskëta e të ajrosura.
Gjithashtu, autoritetet këshillojnë që qytetarët të veshin rroba të lehta dhe, në rast se shfaqin simptoma si marramendje, lodhje të fortë apo vështirësi në frymëmarrje, të kërkojnë menjëherë ndihmë mjekësore.
Autoritetet shëndetësore bëjnë të ditur se temperaturat e larta pritet të vazhdojnë edhe në ditët në vijim, ndaj respektimi i këtyre këshillave dhe tregimi i kujdesit mbetet i domosdoshëm për të shmangur problemet shëndetësore që lidhen me vapën.
