Një minë detare sovjetike është parë mëngjesin e sotëm në Ngushticën e Bosforit në Stamboll.
Mina fillimisht nuk u kuptua se çfarë ishte dhe vuri në alarm ekipet e shpëtimit në Detin e Zi.
Fillimisht ishin peshkatarët që panë një objekt metalik, me ngjyrë të zezë dhe disa pjesë të zgjatuara që dilnin prej tij.
Sipas “Milliyet“, peshkatarët njoftuan autoritetet. Këta të fundit urdhëruan ndërprerjen e lundrimit nga të dyja anët e Bosforit deri sa të bëhej një verifikim i situatës.
Ministria e Mbrojtjes së Turqisë njofton se nga të dhënat paraprake duket se kemi të bëjmë me një minë detare, e prodhimit sovjetik. Ministria tha se po merren masat për largimin e saj nga Bosfori, ndërsa nuk dihet nëse ka apo jo mina të tjera që lundrojnë në këto ujëra.
Nuk dihet se si ka përfunduar kjo minë detare në Bosfor, por pak ditë më parë, ekspertët turq vunë alarmin se minat e vendosura nga Ukraina dhe Rusia në Detin e Zi mund të vinin deri në Turqi për shkak të rrymave detare dhe furtunës që përfshiu zonën sëfundmi.
#SONDAKİKA
İstanbul Boğazı’nda mayın paniği❗️▪️İstanbul Boğazı’nın Karadeniz girişinde yabancı cisim hareketliliği yaşanıyor. Balıkçıların fark ettiği ve mayına benzetilen cisim için Sahil Güvenlik Komutanlığı ekipleri harekete geçti. pic.twitter.com/IZ9RdgYx6d
— EHA MEDYA (@eha_medya) March 26, 2022
Dyshimet e para janë se kjo minë ka ardhur pikërisht nga Deti i Zi në Bosfor, duke e bërë shumë të rrezikshme tani lundrimin aty./albeu.com/
