Varianti Delta i Covid që shfaqet gjithnjë e më shumë i rrezikshëm dhe që përhapet në mënyrë të shpejtë ka detyruar shtetet evropiane që të marrin vendime drastike. Qeveritë e shteteve të BE-së kanë vendosur që të mos u afrohet asnjë shërbim personave që nuk janë të vaksinuar ose nuk janë pajisur me pasaportën Green Pass.
Ndërkohë që nga Greqia vjen lajme se qeveria do të ashpërsojë masat ndëshkimore ndaj mësuesve që nuk pranojnë në bëjnë vaksinën.
Kathimerini shkruan se Edukatorët që refuzojnë të vaksinohen ose t’i nënshtrohen testimit të rregullt për Covid-19 para se të kthehen në klasë do të përballen me një ulje të pagës dhe masa të tjera disiplinore sipas një vendimi të përbashkët ministror që është aktualisht në proces.
Sipas burimeve, rregulloret e reja që po hartohen nga Ministria e Arsimit për të siguruar një vit të sigurt akademik që nga shtatori në shkolla dhe universitete u përkasin të gjithë administratorëve dhe edukatorëve, të përhershëm dhe me kontratë.
Sipas këtyre dispozitave, përveç shkurtimeve të pagave, stafi i arsimit të përhershëm gjithashtu mund të pezullohet nga detyra pa pagesë derisa të vaksinohen, ndërsa stafit të përkohshëm do t’i pezullohen kontratat.
Stafi i përhershëm dhe kontraktues gjithashtu do të përballen me humbjen e krediteve sipas sistemit të pikëve të shërbimit civil, i cili do të ndikojë në perspektivat e tyre të promovimit ose punësimit, respektivisht.
