Kryetarja në fuqi e Lidhjes Demokratike të gruas, Albana Vokshi, ka folur pas mbledhjes së grupit parlamentar të Partisë Demokratike.
Vokshi është shprehur se në mbledhje, pjesëmarrësve nuk u është dhënë mundësi për debat.
“Kryetari nuk na dha mundësi të debatonim, mbylli mbledhjen. Distancohem nga deklaratat e Bashës një ditë më parë, nuk përfaqësojnë Partinë Demokratike”, është shprehur ajo.
Kujtojmë se pas mbledhjes së një dite më parë, kryedemokrati Lulzim Basha i është përgjigjur akuzave të ish-kryeministrit Sali Berisha me një deklaratë të fortë duke thënë se koha e tij ka mbaruar dhe se nuk do të lejojë askënd që të përdorë PD-në dhe forumet e saj për interesat personale të ish-kryeministrit.
Më tej Basha ka komentuar dhe “Foltoret” e Berishës për të cilën u shpreh se ato janë kthyer në një tub oksigjeni për regjimin e Edi Ramës, të cilin ai synon ta shkëpusë./albeu.com/
