Mbetjet toksike/ Bardhi i përgjigjet Ballukut: Porti i Durrësit sipas “tortës Belinda”, është shndërruar në një “han pa porta”

Kryetari i Grupit Parlamentar të PD, Gazment Bardhi teksa i është përgjigjur ministres Belinda Balluku për transportin e mbetjeve toksike, thotë se asnjë aferë nuk mund të bëhet pa mbështetjen e autoriteteve shtetërore.

Sipas Gazment Bardhit, edhe përgjegjësia, mosveprimi apo shkelja e ligjit nga entet private nënkupton mosveprim dhe mungesë mbikëqyrje nga autoritetet shtetërore.

Balluku nuk mban përgjegjësi për skandalin e mbetjeve toksike, flet sikur mediat kan nisur kontenierët

Deklaroi mbylljen duke lënë në mes të rrugës 500 punonjës, Inspektorati Shtetëror i Punës zbarkon në zyrat e Kurum-it

Kompania Kurum me fitime marramendëse, por që thotë se është në vështirësi financiare

Mbetjet e rrezikshme/ Inspektoriati i Punës “zbarkon” në Kurum

Meçollari: Dikush t’i thotë Belinda Ballukut që të marri një avokat kur flet për mbetjet toksike! Autoriteti Portual Durrës është përgjegjës

Çfarë roli ka kreu i Doganës së Durrësit, Denis Shabani në trafikimin e mbetjeve toksike dhe kush e mbështet bashkëshorten e tij në krye të AMF?

Bardhi paralajmeron se Grupi Parlamentar i Partisë Demokratike do të përdor të gjitha mekanizmat e kontrollit parlamentar për zbardhjen e plotë të kësaj çështje.

Kreu i Grupit te PD, thote se siguron qytetarët shqiptarë se “nuk do të lejojë në asnjë rast, që për shkak të një qeverisje kriminale dhe të papërgjegjshme të Edi Ramës, Shqipëria të jetë në një rrezik permanent për shkak të sasive të konsiderueshme të mbetjeve të rrezikshme brenda territorit shqiptar”.

Reagimi i Bardhit:
“Porti i Durrësit sipas “tortës Belinda” nuk ka asnjë përgjegjësi se çfarë hyn dhe çfarë del prej tij. Sipas Qeverisë kushdo me një vetëdeklarim, fut dhe nxjerr nga Porti i Durrësit çfarë të dëshirojë. Me pak fjalë, me vetëdeklarim kokaina mund të shënohet si miell; helmi mund të shënohet si bimë kurative; makina mund të shënohet si biçikletë; paratë e pista mund të shënohen si letra higjenike.

Në fakt prej kohës Porti i Durrësit është shëndërruar në një han pa porta, që nuk kontrollohet nga autoritetet shtetërore por nga krimi i organizuar. “Torta Belinda” e di më mirë se kushdo tjetër këtë, prandaj dhe nervozizmi, sulmi ndaj medias e opozitës dhe “faji i mbetur jetim” është e vetmja rrugë që i ka mbetur.

Afera e trafikut ndërkombëtar të mbetjeve të rrezikshme toksike nuk mund të realizohet kurrë pa mbështetjen, mosveprimin apo symbylljen e autoriteteve shtetërore. Edhe përgjegjësia, mosveprimi apo shkelja e ligjit nga entet private nënkupton mosveprim dhe mungesë mbikëqyrje nga autoritetet shtetërore që kanë lejuar abuzimin e privatit.

Grupi Parlamentar i Partisë Demokratike do të përdor të gjitha mekanizmat e kontrollit parlamentar për zbardhjen e plotë të kësaj çështje, duke siguruar qytetarët shqiptarë se nuk do të lejojë në asnjë rast, që për shkak të një qeverisje kriminale dhe të papërgjegjshme të Edi Ramës, Shqipëria të jetë në një rrezik permanent për shkak të sasive të konsiderueshme të mbetjeve të rrezikshme brenda territorit shqiptar”, thuhet ne reagimin e Gazment Bardhit.