Policia e Tiranës ka identifikuar mbrëmjen e sotme nënën e foshnjes që u gjet e braktisur në Yzberisht mëngjesin e ditës së sotme.
29-vjeçarja E.I me origjinë nga Pogradeci e cila jeton në Tiranë, tashmë do të përgjigjet para uniformave blu, se cila ishte arsyeja e braktisjes së foshnjës.
Foshnja u gjet paraditen e kësaj të mërkure, ndërsa ndodhet në gjendje të rënduar shëndetësore dhe aktualisht është e intubuar.
“Më datë 08.11.2023, në bodrumin e një pallati në Yzberisht, është gjetur e braktisur një foshnjë e sapolindur.
Shërbimet e Policisë i kanë ofruar menjëherë ndihmën e parë foshnjës, e cila është transportuar me automjetin e Policisë, së bashku me stafin mjekësor, në spital. Grupi hetimor po punon për sqarimin e rrethanave të ngjarjes”, sqaronte policia.
