Lille humb mundësinë të shpallet kampion, PSG me “poker”, titulli vendoset në javën e fundit (VIDEO+FOTO)

Paris Saint-Germain ka mbajtur gjallë shpresat për titull në fitoren 4-0 ndaj Reims në kuadër të javës së 37-të.

Pas vetëm dhjetë minutash lojë, Remis mbeti me dhjetë lojtarë në fushë, pasi Abdelhamid u ndëshkua me karton të kuq.

Kështu, PSG fitoi penallti dhe atë në gol e konvertoi Neymar pas vetëm tre minutash nga vendimi për karton të kuq.

Nuk kaloi shumë kohë dhe Kylian Mbappe në minutën e 24-të e dyfishoi epërsinë për parisienët.

Në 45 minutat e dytë, ishte Marquinhos që në minutën e 68-të shënoi për 3-0, nga një asistim i Neymar.

Skuadra që drejtohet nga Mauricio Pochettino nuk u ndal me kaq dhe shënoi edhe golin e katërt me anë të Moise Kean (90′).

PSG është aktualisht në vendin e dytë me 79 pikë, një më pak se Lille që është lider, mirëpo dështoi të fitonte nda St Etienne, duke barazuar pa gola në shtëpi.

Kështu, PSG duhet të fitojë patjetër takimin e fundit, që është ndaj Brest, ndërsa Lille duhet të humbë ose të barazojë ndaj Angers, për të fituar trofeun.


Shtuar 16.05.2021 23:03

Tags: , ,