Një krim i rëndë ndodhi ditën e sotme në Greqi në një familje shqiptare ku burri theri për vdekje gruan e tij me thikë.
Pas krimit të rëndë, është zbardhur dëshmia e komshies së çiftit shqiptar në Greqi, Sylvia Mourouti, e cila kishte “parashikuar” edhe krimin e rëndë pas zënkave të vazhdueshmet të cilat dëgjoheshin deri tek komshinjte.
Mourouti ka deklaruar se ka dëgjuar britma mëngjesin e sotëm, ku sipas saj ka dëgjuar 31-vjeçaren Ana të bërtiste dy herë për ndihmë, e më pas pushoi.
“Isha në shtëpi këtë mëngjes, dëgjova vajzën të bërtiste dy herë për ndihmë dhe pastaj heshtje absolute. Kjo ndodhi rreth orës 10:20. Unë hapa derën e përparme dhe nuk dëgjova asgjë tjetër. Ata ziheshin shpesh. Një çift mund të përfshihet në ndonjë zënkë për gjëra të vogla dhe të qetësohen menjëherë dhe kështu që unë nuk i dhashë rëndësinë e duhur sepse ajo ndaloi menjëherë së bërtituri. Ndodhi shumë shpejt.” – tha ajo.
Më tej, fqinja tregon se çifti ka pasur shumë mosmarrëveshje, të cilat u bënë më të shpeshta gjatë periudhës së izolimit për shkak të koronavirusit.
“Unë nuk kam pasur asnjë kontakt me këtë familje edhe pse jam në të njëjtin kat me gruan fatkeqe 32-vjeçare dhe muret tona janë krah për krah. Për shkak se punoj nga shtëpia, jam në një hapësirë pikërisht që bashkon apartamentet tona dhe kishte një pikëpamje shumë të ndryshme për atë që po ndodhte brenda shtëpisë. Kishte shumë zënka të shpeshta, verbale dhe disa herë kishte dhunë fizike. Unë mund të dëgjoja zhurmat nga përleshjet e tyre dhe madje mund të dëgjoja gruan që bërtiste.
Natën mes 10 dhe 11 korrikut dhe befas dëgjova zhurma. E dëgjova të bërtiste për ndihmë, në fakt menaxheri i ndërtesës pasi dëgjoi zhurmat u ngjit në katin e 3 -të dhe unë tashmë i kisha telefonuar policisë dhe i thashë asaj dhe ajo më tha ok. Dhe ndodhi pikërisht ajo që unë përshkruaj … Po patrulla erdhi pas 25 minutash. Ai zbriti poshtë dhe u largua…” – tha fqinja. /albeu.com/
