Tre pacientë në Maqedoninë e Veriut janë konfirmuar me variantin “Delta” të koronavirusit. Bëhet me dije se është infektuar një 43-vjeçar nga Velesi i cili ndodhet i shtruar në repartin infektiv të Spitalit të Velesit.
Ndërkohë, dy rastet e tjera janë konfirmuar në Klinikën “Zhan Mitrev” në Shkup.
Bëhet fjalë për dy shtetas të Maqedonisë, të cilët nuk kanë udhëtuar jashtë vendit.
“Në Laboratorin për Gjenetikë dhe Mjekësi të Personalizuar në Spitalin Klinik Zhan Mitrev në Shkup dje u identifikuan dy pacientë pozitivë me llojin delta të SARS-CoV-2 (B.1.617.2), i cili zyrtarisht konfirmoi që ky lloji i virusit është përhapur në Maqedonia”, thuhet në njoftim.
