Kishte futur dy emigrantë në bagazh për t’i kaluar jashtë kufirit, arrestohet 24-vjeçari në Korçë (VIDEO)

Policia ka vënë në pranga një 24-vjeçar i cili ka tentuar të kalojë jashtë kufirit dy emigrant të paligjshëm. I riu I kishte future emigrantët në bagazh, dhe në këmbim të parave u ishte premtuar vendet e BE-së.

Njoftimi i policisë:

Qarku Korçë

Vijon operacioni policor “Perimetri”.

U kap duke transportuar dy emigrantë të paligjshëm, vihet në pranga 1 tjetër shtetas.

Specialistët për Hetimin e Trafiqeve të Paligjshme dhe Narkotikëve në DVP Korçë, në bashkëpunim me strukturat e SHÇBA-Korçë dhe Policinë Kufitare në vijim të operacionit policor “Perimetri”, kanë goditur një tjetër rast të aktivitetit kriminal në fushën e dhënies ndihmë shtetasve të huaj për kalim të paligjshëm të kufirit, kundrejt shpërblimit si rezultat i të cilit u bë kapja dhe arrestimi në flagrancë i shtetasit I. D., 24 vjeç, banues në Korçë.

Shërbimet e policisë kanë kapur në aksin rrugor Korçë-Pogradec, pranë vendit të quajtur “Kryqëzimi i Libonikut”, në Maliq, shtetasin e mësipërm, duke transportuar me mjetin tip “Renault” dy emigrantë të paligjshëm, të cilëve kundrejt shpërblimit iu kishte premtuar kalimin drejt vendeve të BE-së.

Materialet i kaluan Prokurorisë pranë Gjykatës së Shkallës së Parë Korçë për veprën penale “Ndihma për kalim të paligjshëm të kufijve” kryer në bashkëpunim./albeu.com

Shtuar 12.06.2021 12:14