Në bashkëpunim me policinë në 9 vende të tjera të BE-së, autoritetet rumune kapën një dërgesë masive heroine nga Irani që po shkonte drejt Europën Perëndimore.
Organi i ndjekjes penale të krimit të organizuar të Rumanisë, DIICOT, njoftoi të enjten kapjen në portin e Detit të Zi një ngarkesë prej 1.4 ton heroinë, të cilën zyrtarët e quajtën transportimi i dytë më i madh i drogës në territorin e BE në vitet e fundit.
Ngarkesa ilegale u zbulua në 10 maj e fshehur në kontejnerë që transportonin materiale ndërtimi në një anije të ankoruar në Konstancë që po lundronte nga Irani në Rumani me disa vende të papërcaktuara të Europës Perëndimore si destinacione. Policia rumune vlerësoi vlerën e drogës në 45 milion euro.
Europol, administrata amerikane e zbatimit të drogës dhe agjencitë e zbatimit të ligjit nga Hungaria, Austria, Gjermania, Holanda, Sllovakia, Sllovenia, Republika Çeke dhe Franca morën pjesë në operacion.
Pas kapjes së drogës, autoritetet ende nuk e kanë bërë të ditur numrin e të arrestuarve./albeu.com
