I vendosën Benz-it sirena policie dhe lëviznin me shpejtësi, e pësojnë keq dy shqiptarët në Itali

Policia e Teverolas në Itali, ka arrestuar dy shqiptarë pasi përdornin sirena policie për të ecur me shpejtësi në rrugët e qytetit.

Mediat italiane bëjnë me dije se dy shqiptarët, 26 dhe 34 vjeç u ndaluan teksa udhëtonin nëpër rrugët e qendrës së qytetit me një makinë Mercedes Benz 190 me targa shqiptare.

Dyshja kishte instaluar një pajisje drite me dy ngjyra e vendosur në pjesën e përparme të saj pothuajse identike me një sirenë policie.
Pas arrestimit të shqiptarëve mjeti u konfiskua si provë materiale.

Shtuar 20.06.2021 18:04