Kreu i Partisë Agrare Ambientaliste, Agron Duka i ka bërë thirrje Lulzim Bashës që t’i hapë rrugë zgjedhjeve të lira brenda Partisë Demokratike për kreun e ri që do e drejtojë atë.
Agron Duka tha në Top Talk se opozita duhet të shikojë gabimet, pasi humbi zgjedhjet e 25 prillit, në mënyrë që të shmangë një të ardhme të errët.
“Opozita duhet të shikojë gabimet, ose ardhmja është e errët, mos të humbasë kohë kot deri në shtator.
Basha duhet patjetër të ribëjë zgjedhjet të lira në PD, jo siç u bënë më para, zgjedhje reale, të bashkohen demokratët, që nga i vjetri deri më i riu.
Të zgjedhin lidershipin e ri të PD që mund të jetë dhe Basha prapë, nëse e rifiton besimin , se kështu me artifica thjesht i shton jetën mazhorancës”, u shpreh Duka.
