Një kartel droge që vepronte në Catania i përbërë nga dy grupe kriminale, që përfshinte italianë, kolumbianë dhe shqiptarë, u godit nga Guardia di Finanzia.
Mediat italiane shkruajnë se gjatë operacionit të koduar “Cocorito” u arrestuan 13 persona, ndërsa ende nuk bëhet i ditur identiteti i tyre. Ata akuzohen për trafikim dhe shpërndarje të lëndëve narkotike.
Në këtë operacion u angazhuan ushtarë të komandës provinciale të Guardia di Finanza të Catanias, me bashkëpunimin dhe mbështetjen e Shërbimit Qendror të Hetimit të Krimit të Organizuar (Scico).
13 urdhër-ndalimet u lëshuan nga gjyqtari që po heton mbi çështjen, me kërkesë të Drejtorisë së Qarkut Anti-Mafia të Katanias për veprën penale grup kriminal që synon trafikimin dhe shitjen e drogës.
