Pas Jamarbër Malltezit, në ambientet e GJKKO-së ka mbërritur edhe ndërtuesi Fatmir Bektashi, të cilin SPAK e akuzon për “korrupsion aktiv” në kuadër të dosjes për privatizimin e ish-klubit “Partizani”.
Bektashi është shoqëruar nga dy policë, avokatja dhe një familjar i tij brenda ambienteve të gjykatës, ku do t’i komunikohet masa e sigurisë.
Kujtojmë se ndaj Bektashit u caktua masa ‘detyrim paraqitje’ dhe bllokim të pasaportës, e njëjta masë edhe për ish-kryeministrin Sali Berisha.
Ndërkohë, më herët Malltezi është sjellë në ambientet e gjykatës nga dy makina, një furgon policie para si edhe një makinë e blinduar për shoqërimin e të dyshuarve pas.
Malltezi është parë të futet me pranga në duar në ambientet e gjykatës, ndërsa masa pritet të jepët pak më vonë. /albeu.com
