Një përfaqësues i familjes Hoxha pasi shprehu nderimet për policin e vrarë, Saimir Hoxha tha se atë e vrau dora e zezë e krimit, por sipas tij ajo dorë nuk mund të vrasë dot shembullin që Saimiri la.
“Saimir Hoxha ka pasur një babë fisnik në fushën e topografisë, një nënë të shquar në fushën e arsimit dhe dy motra të shquara brenda dhe jashtë vendit në fushën e jurisprudencës. Kudo u dallua për thjeshtësi, edukatë dhe profesionalizëm të plotë, Krijoi një familje me një vajzë nga Tropoja, me të cilën lindën dy djem.
Kur erdhi në jetë para 45 vitesh i vunë jetën Saimir. Dora e zezë na e ndau nga jeta Saimirin por jo shembullin për të cilin kontribuoi. Në emër të familjes Hoxha falenderoj organet e shtetit për shpalljen “Dëshmor i Atdheut”, deklaroi ai.
Ndërsa drejtori i Policisë së Shtetit Ardi Veliu u shpreh se sot Saimiri dhe Policia janë vrarë dy herë nga krimi dhe drejtësia e vjetër që liron të dënuarit.
“Saimiri dhe Policia sot janë vrarë dy herë nga krimi dhe drejtësia e vjetër që shpesh herë vendimet e saj i kanë paguar me jetë punonjësit e policisë së shtetit. Punonjësit e Policisë përballen çdo ditë me krimin, dalin në mëngjes nga shtëpia duke u përshëndetur me familjarët sikur të ishte hera e fundit”, u shpreh Veliu./albeu.com
