Ylli norvegjez i futbollit Erling Haaland nuk tërheq vëmendjen vetëm me golat dhe paraqitjet spektakolare në fushë, por edhe me stilin e tij të veçantë. Sulmuesi i Manchester City zotëron një koleksion të rrallë çantash Hermès, me një vlerë që i kalon 500 mijë dollarë, bën të ditur revista Hello.
25-vjeçari, i njohur për pasionin ndaj modës, ka në koleksion disa nga modelet më të kërkuara të markës franceze, shumë prej të cilave janë edicione të kufizuara.
Të lidhura
None found
Haaland zotëron disa çanta Hermès Haut à Courroies (HAC), modele ikonike që janë krijuar shumë përpara çantës së famshme Birkin dhe konsiderohen si pararendëset e saj. Fillimisht të dizajnuara për kalorësit, këto çanta janë më të mëdha se Birkin dhe sot janë ndër më të kërkuarat në tregun luksoz.
Në koleksionin e tij gjenden të paktën katër modele HAC 50, mes tyre edhe dy versione të rralla “Endless Roads”, me një dizajn që paraqet një rrugë malore. Çdo çantë e tillë vlerësohet rreth 45 mijë dollarë.
Ai zotëron gjithashtu modele si Evercalf Toile Cargo HAC 40, me vlerë rreth 50 mijë dollarë, Multi-Pocket HAC 40, që kushton afro 69.500 dollarë, si dhe HAC Rock Black, e vlerësuar në rreth 68 mijë dollarë.
Edhe çantat më të vogla që ka në garderobë kushtojnë shuma marramendëse. Modeli Black and Orange Togo HAC Casaque 40 shitet për rreth 33 mijë dollarë, ndërsa Kelly Depeches 25 kap vlerën mbi 13 mijë dollarë.
Edhe partnerja e tij prej vitesh, Isabel Haugseng Johansen, ka një çantë që konsiderohet ndër më të shtrenjtat në botë: Hermès Birkin 25 Himalaya Niloticus Crocodile.
Çifti është bashkë që nga viti 2021, por njihen që në fëmijëri pasi janë rritur në të njëjtin qytet norvegjez, Bryne, ku luanin edhe në të njëjtin klub futbolli. Në dhjetor të vitit 2024 ata u bënë prindër për herë të parë.
Ai ka zbuluar se partnerja ishte ajo që hodhi hapin e parë në njohjen e tyre, duke i dërguar një mesazh në rrjetet sociale.
“Të dyve na pëlqen të luajmë Minecraft. Rrijmë, ndërtojmë shtëpi së bashku ose kthehemi në Bryne dhe porosisim kebab”, ka treguar sulmuesi.
Sipas Forbes, pasuria e Erling Haaland arrin në rreth 80 milionë dollarë, duke e renditur mes futbollistëve më të paguar në botë.
