Epidemiologu nga Kolumbia: Do të duhen edhe dy vjet për t’u kthyer në normalitet

Kryepidemiologu i Universitetit të Kolumbisë u shfaq jashtëzakonisht i kujdesshëm në lidhje me rrjedhën e pandemisë në mbarë botën, duke folur sonte në buletinin kryesor të lajmeve të SKAI.

Parashikimet e Jeffrey Shaman ishin ogurzeza me rritjen e mutacionit “Delta” . Ai vlerësoi se mund të duhen edhe dy vjet që ne të ndihemi të sigurt dhe përsëriti se vetëm vaksinimi masiv do të parandalonte mutacionet e reja.

“Mutacione të reja do të ndodhin vazhdimisht dhe njerëzit që do të infektohen, mund të jenë edhe ata që janë vaksinuar. Pra, imuniteti që do të kemi nga një sëmundje e mëparshme ose vaksinimi do të jetë i përkohshëm dhe do të na duhen vaksinime të vazhdueshme në vitet e ardhshme”, tha ai, ndër të tjera./albeu.com

Shtuar 11.07.2021 21:24