EMRI/ E mori vajzën me forcë në shtëpi, kush është polici që tentoi të abuzonte me të miturën në Lezhë

Një ngjarje e rëndë ka ndodhur ditën e sotme në Lezhë ku është vënë në pranga një efektiv policie. Shtetasi Kol Kola, polic, është vënë në pranga pasi ka tentuar të abuzojë seksualisht me një vajzë të mitur në qyteti e Lezhës.

“Në njoftimin e policisë shkruhet se 62-vjeçari në datë 29 prill, ka tentuar të kryejë marrëdhënie seksuale me një vajzë të mitur…”- njofton  SHÇBA.

Nga hetimi i deritanishëm ka rezultuar se punonjësi i policisë K.K. ka shfrytëzuar rastin që e mitura ka qenë e pashoqëruar nga persona madhorë, e duke keqpërdorur atributet që i jep detyra funksionale, nëpërmjet mashtrimit se do ta shoqëronte në Komisariatin e Policisë, e ka marrë të miturën në një banesë në qytetin e Lezhës, që e kishte në përdorim. Aty dyshohet se ka kryer vepra të turpshme, duke tentuar gjithashtu të kryejë marrëdhënie seksuale. Këto veprime janë kundërshtuar nga e mitura, e cila u largua me forcë nga banesa.

Njoftimi i policisë:

Shërbimi për Çështjet e Brendshme dhe Ankesat (SHÇBA) ka arrestuar ditën e sotme efektivin e policisë në Lezhë, Kol Kola, i akuzuar për veprën penale të “Ngacmimit seksual’. Në njoftimin e policisë shkruhet se 62-vjeçari në datë 29 prill, ka tentuar të kryejë marrëdhënie seksuale me një vajzë të mitur.

Shërbimi për Çështjet e Brendshme dhe Ankesat (SHÇBA) ka ekzekutuar urdhërin e ndalimit të Prokurorisë pranë Gjykatës së Shkallës së Parë Lezhë, në ngarkim të një punonjësi policie, me detyrë Ndihmës Specialist i Policimit në Komunitet pranë Komisariatit të Policisë Lezhë, për veprën penale, “Ngacmim seksual”.

Ndalimi i 62-vjeçarit u krye pasi dyshohet se në datë 29 prill 2021, ka tentuar të kryejë marrëdhënie seksuale me një të mitur.

Nga hetimi i deritanishëm ka rezultuar se punonjësi i policisë K.K. ka shfrytëzuar rastin që e mitura ka qenë e pashoqëruar nga persona madhorë, e duke keqpërdorur atributet që i jep detyra funksionale, nëpërmjet mashtrimit se do ta shoqëronte në Komisariatin e Policisë, e ka marrë të miturën në një banesë në qytetin e Lezhës, që e kishte në përdorim. Aty dyshohet se ka kryer vepra të turpshme, duke tentuar gjithashtu të kryejë marrëdhënie seksuale. Këto veprime janë kundërshtuar nga e mitura, e cila u largua me forcë nga banesa.

Nisur nga kallzimi i të miturës dhe nga verifikimet paraprake  të Policisë Gjyqësore, që dokumentoi me prova shkencore rastin, si edhe duke siguruar pamje filmike, është arritur në konkluzionin se shtetasi K.K. ka konsumuar elementë të veprës penale “Ngacmim seksual”.

Hetimet vazhdojnë deri në zbardhjen e plotë të këtij rasti.

SHÇBA fton qytetarët të denoncojnë çdo rast të shkeljes së ligjit, duke telefonuar në numrin falas 0800 90 90 dhe duke garantuar reagim të shpejtë dhe të ashpër ligjor./albeu.com/

 

 

 

 


Shtuar 4.05.2021 18:18