Kryeministri Edi Rama priti me ceremoni zyrtare presidenten e Komisionit Europian, Ursula von der Leyen, këtë të mërkurë në mesditë, pas mbërritjes së saj në Kryeministri.
Vizita në Tiranë është pjesë e një turi në katër shtete të Ballkanit. Ecuria e procesit të integrimit europian të Shqipërisë pritet të jetë në qendër të bisedimeve.
Të lidhura
None found
Gjatë qëndrimit në kryeqytet, von der Leyen pritet të takohet me kryeministrin Edi Rama dhe presidentin Bajram Begaj.
Presidentja e Komisionit Europian sjell edhe një plan për një udhërrëfyes të posaçëm për Shqipërinë, Malin e Zi, Moldavinë dhe Ukrainën, me synimin për t’i mbështetur në rrugën drejt anëtarësimit në Bashkimin Europian.
Në këtë plan parashikohen reformat prioritare, afatet orientuese dhe objektivat për mbylljen e fazave të negociatave.
Vëmendja pritet të përqendrohet gjithashtu te 6 tetori, data kur pritet të paraqitet rishikimi i politikës së para-anëtarësimit, si dhe te 15-16 tetori, kur liderët e Bashkimit Europian do të diskutojnë zgjerimin dhe reformat e brendshme.
