Kryeministri Edi Rama nuk ka humbur rastin të flasë për dialogun mes Kosovës dhe Serbisë edhe gjatë konferencës së përbashkët me Dritan Abazoviç në Podgoricë.
Teksa kryeministri i Kosovës ndodhet në Bruksel për takimin e radhës me Aleksandar Vucic, Rama tha se
është “me mendje dhe zemër i angazhuar që çështja mes Serbisë dhe Kosovë të hyjë në rrugën e një dialogu pa kthim”.
Rama u shpreh se plani franko-gjerman është gjëja më e mirë dhe shtoi se është e pashmangshme që Shqipëria të jetë krah Kosovës.
“Unë dua të shpresoj dhe jam me zemër dhe mendje i angazhuar që të lutem që çështja mes Serbisë dhe Kosovë të hyjë në rrugën e një dialogu pa kthim dhe më shpejt sesa vonë të jetë një çështje e të dyja vendeve dhe të mos jetë nevoja që superfuqitë t’i marrin për veshi sa herë grinden në oborrin pas shkollës. Mendoj që se marrëveshja franko gjerman është më e mira gjë që ka qenë ndonjëherë, por ky është opinion. Unë respektoj sovranitetin për të vendosur për veten e tyre. Është e pashmangshme që qeveria e Shqipërisë të jemi në krah të qeverisë së Kosovës dhe autoriteteve të Kosovës që unë i uroj kthjelltësi dhe sukses” /albeu.com
