Duke folur në emisionin “Now me Erla Mëhillin”, eksperti i kriminalistikës Ervin Karamuço sqaroi se presidenti turk Recep Tayyip Erdogan u ka bërë liderëve që morën pjesë në Samitin e NATO-s në Ankara një dhuratë të veçantë: nga një pistoletë të personalizuar me emrin e secilit, të shoqëruar edhe me municion.
Ai theksoi se një dhuratë e tillë i ka shkuar edhe kryeministrit Edi Rama, ndërsa vuri në dukje se mbetet ende për t’u parë se si do të realizohet sjellja e saj në Shqipëri, duke pasur parasysh rregullat që lidhen me armët e zjarrit dhe municionin.
Të lidhura
None found
“Sot një nga gjërat që promovoi Ankaraja janë dhuratat që iu dhanë liderëve kur u larguan, janë pistoletat. Presidenti Erdogan u shpërndau liderëve botërorë nga një pistoletë të personalizuar me emrat e tyre dhe me plumba të vërtetë. Mesazhin nuk e di, se nuk jam i fushës, mesazhin politik s’e jap dot. Janë prodhime shumë elitare, armë zjarri luftarake të vërteta, Çanik, me plumba të vërtetë, e futur në një valixhe të vogël të personalizuar me emrin e çdo lideri. Ka marrë edhe kryeministri ynë. Nuk e di a do ta sjellë apo jo në Shqipër, se ka disa ligje se si funksionon kjo edhe në legjislacionin ndërkombëtar. Plumbat janë pjesë e setit. Për shembull, kryeministri britanik nuk ka pranuar ta marrë me vete, e ka lënë në ambasadë për të respektuar ligjet për armët e zjarrit, por do ta marrë në një rrugë tjetër”, tha Karamuço.
