Dy aksidente të rënda janë regjistruar në 24 orët e fundit në Kosovë.
Mediet kosovare bëjnë me dije se një makinë ka rënë nga ura e Lakrishtës në orët e para të mëngjesit, kurse një automjet tjetër ka përfunduar në një furrë buke tek rrethi i Çagllavicës.
Range Roveri ka humbur kontrollin nga shpejtësia e madhe duke përfunduar në furrë.
Përveç dëmeve materiale, nuk dihet ende bilanci i gjendjes së shoferit dhe personave të tjerë që mund të kenë qenë aty.
Ndërsa rreth orës 03:00 të mëngjesit një makinë me targa gjermane ka rënë nga ura.
Policia e Kosovës ka konfirmuar se tre persona janë lënduar në këtë aksident dhe janë dërguar në QKUK për trajtim.
“Sot rreth orës 03:00, në rrethrrotullimin në lagjen Lakrishte, në Prishtinë, ka ndodhur një aksident trafiku, ku është përfshirë një veturë. Si pasojë e aksidentit tre persona kanë pësuar lëndime trupore dhe të njëjtit janë dërguar për trajtimin e nevojshëm mjekësor”, tha policia.
Policia thotë më tej se ka nisur një hetim për zbardhjen e shkaqeve të këtij aksidenti./Albeu.com
