“Duket se të mungojnë bombardimet e NATO-s”, ish-kryenegociatorja dënon presidentin Vuçiç

Ish-kryenegociatorja, Edita Tahiri ka reaguar ashpër ndaj presidentit serb, Aleksandar Vuçiç, i cili mbrëmjen e së enjtës ka publikuar një fotografi të hartës së Kosovës me flamurin serb në të.

Këtë veprim,  ajo e ka cilësuar si provokim, teksa ka shtuar se një gjë të tillë ai e ka bërë edhe më herët gjatë procesit të dialogut.

“Aleksandar Vuçiq vjen me provokime të reja kundër Kosovës, duke treguar bindjen e tij hegjemonike. Njëherë në Bruksel ai kishte provokuar në mënyrë të njëjtë.

I isha përgjigjur duke i thënë, ‘duket se të mungojnë bombardimet e NATO-s’. I them sërish njëjtë”, ka shkruar Tahiri në Twitter.

Shtuar 19.03.2021 12:03