Dhunohet me sende të forta punonjësi i Bashkisë së Shkodrës, dërgohet me urgjencë në spital

Ditën e sotme, gjatë një konflikti, punonjësi i Bashkisë së Shkodrës Ermal Dizdari, është dhunuar me sende të forta.

Sipas informacioneve, ngjarja është regjistruar rreth orës 09:00 në lagjen “Salo Halili’.

Ky është punonjësi i Bashkisë së Shkodrës që u dhunua brutalisht, niset me urgjencë drejt Traumës

Sakaq, grupi hetimor në drejtimin e Prokurorisë, po punon për zbardhjen e rrethanave të ngjarjes

Njoftimi i policisë:

Shkodër/Informacion paraprak
Rreth orës 09:00, në lagjen “Salo Halili”, dyshohet se gjatë një konflikti, ka pësuar dëmtime fizike nga goditja me sende të forta, shtetasi E. D., 49-vjeç, i cili po merr ndihmë mjekësore në Spitalin Rajonal Shkodër.

Shërbimet e Policisë kanë shkuar menjëherë në vendngjarje dhe vijojnë kontrollet për kapjen e autorit.

Grupi hetimor, në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit.