“Rama më 26 prill do t’ja mbathë për një kohë të gjatë në Beoigtrad dhe pastaj do të përpiqet të marrë partinë, nëse nuk ja marrin këta të tjerët…”
Ish-kryeministri Sali Berisha ka bërë gjithë skenarin për pasojat e zgjedhjeve parlamentare të 25 prillit. Në një deklaratë të bërë nga emisioni “Zgjedhje 2021”, Berisha pretendon se pasardhësi i tij, kryeministrit Edi Rama pasi të humbasë zgjedhjet do të arratiset në Beograd.
Sipas tij, Rama do të kërkojë azil politik sepse pozitat e tij janë rënduar shumë, ndërsa Turqia pavarësisht marrëdhënieve të mira nuk do ta pranojë.
“Rama më 26 prill do t’ja mbathë për një kohë të gjatë në Beoigtrad dhe pastaj do të përpiqet të marrë partinë, nëse nuk ja marrin këta të tjerët.
Edi Rama, për mua, është në prag të përfundimit të karrierës së tij politike dhe më së shumti, do të bëjë një arrati në Beograd për azil politik.
Në Beograd sepse Turqia nuk do të marr përsipër të acarojë marrëdhëniet me Shqipërinë, duke i dhënë azil politik atij. Aktet e fundit po të marrim, meritojnë secila dosje 30-40 vjet dënim,“-tha Rama.
