Në fshatin turistik të Dardhës trashësia e borës shkoi deri në 10 centimetra, ndërsa vizitorët e fundjavës ndaluan për të shijuar magjinë e natyrës alpine.
Grupe vizitorësh të organizuar, apo me familje, nga Tirana, Durrësi dhe zona të tjera të vendit, e kanë Dardhën destinacionin e tyre të preferuar për pushimet e dimrit.
Ata që vijnë për herë të parë, zbulojnë jo vetëm bukuritë e natyrës fshehur nën petkun e bardhë, por edhe gatimet tradicionale dhe mikpritjen e banorëve të fshatit.
Pavarësisht reshjeve të borës, rruga drejt Dardhës, por edhe destinacionit tjetër turistik, Voskopojës, është e kalueshme normalisht.
