Gjatë 24 orëve të fundit në Kosovë është rritur ndjeshëm numri i infektimeve me Covid-19.
Janë shënuar kështu 53 raste të reja dhe fatmirësisht asnjë viktimë gjatë orëve të fundit.
Lajmin e ka bërë të ditur Ministria e Shëndetësisë, e cila shton se janë shëruar 5 qytetarë, ndërsa numri i përgjithshëm i të shëruarve është 158.033.
Njoftimi i Ministrisë së Shëndetësisë:
30 Dhjetor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 2.324 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.671.559 doza të vaksinës.
Deri më sot 782.060 qytetarë janë vaksinuar me dozën e dytë.
Nga 3.263 testime, 53 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 5 qytetarë, derisa numri i përgjithshëm i të shëruarve është 158.033.
Në total numri i rasteve aktive është 419./albeu.com/
