Ish-kryetari i Partisë Demokratike, Sali Berisha ka bërë një lapsus në rrjetet sociale. Teksa ka publikuar një takim elektoral të kandidatit demokrat Tritan Shehu, ish-lideri demokrat shkruan se “Shumica e shqiptarëve votojnë PS”, në vend që të shkruante “Votojnë PD”.
“Tritan Shehu në fshatrat e Përmetit: Ndëshkim keqqeverisjes më 25 prill. Shumica e shqiptarëve votojnë PS, votojnë ndryshimin”, shkruan Berisha në rrjetet sociale.
Të lidhura
None found
Edhe pse postimi është bërë publik rreth 23 orë më parë, nuk është korrigjuar ende nga ish-kryeministri Berisha, i cili është shumë aktiv në rrjetet sociale.
Por ky gabim i Sali Berishës, nuk i ka shpëtuar kryeministrit Edi Rama, i cili në një reagim në Instagram shkruan: “Çfarë ka barku nxjerr fejsbuku”.
