Një episod humoristik u regjistrua gjatë një aktiviteti në Las Vegas, ku presidenti i Shteteve të Bashkuara, Donald Trump, ndërhyri për të ndaluar një vogëlush që po largohej nga skena. Menjëherë pas kësaj, ai bëri edhe një koment ironik për Joe Biden, duke shkaktuar të qeshura mes të pranishmëve.
Momenti ndodhi në Red Rock Casino Resort and Spa, gjatë një eventi ku Trump prezantoi programin “Trump Accounts” dhe politikën e administratës së tij për heqjen e taksës mbi bakshishet.
Të lidhura
None found
Presidenti kishte ftuar në skenë një familje nga Las Vegasi, Sandrën dhe Bradin, së bashku me dy fëmijët e tyre. Ndërsa Sandra po bëhej gati të fliste, djali i vogël nisi të largohej nga skena dhe Trump e kapi për ta ndalur.
“Nuk dua që ai të bëhet si Biden dhe të bjerë nga skena”, u shpreh Trump me shaka, duke marrë duartrokitje dhe të qeshura nga publiku.
Pas pak, nëna i tregoi presidentit se vogëlushi dëshironte të thoshte diçka. Trump e nxiti të fliste, por fëmija në fillim shqiptoi disa fjalë të pakuptueshme. Me ndihmën e nënës, ai arriti të përsëriste në mikrofon: “Faleminderit për llogarinë time Trump Account.”
