Një vajzë rreth 7 vjeçe dyshohet se është mbytur pasi pesë persona, pjesëtarë të së njëjtës familje, u futën për t’u larë dje në orët e vona të pasdites në lumin Drin, në Gjoricë të Bulqizës.
Të lidhura
None found
Sipas burimeve pranë Policisë së Bulqizës, niveli i ujit u rrit në kohën kur ata ndodheshin në lumë, pas hapjes së portave të hidrocentralit në Dibër të Madhe. Rrjedha e fuqishme i ka marrë të pesë personat.
Familjarët kanë lajmëruar Policinë rreth orës 21:00 të mbrëmjes së kaluar. Menjëherë pas njoftimit, shërbimet policore kanë mbërritur në vendngjarje dhe, gjatë rreth 4 orëve, kanë arritur të nxjerrin të gjallë 4 persona.
Kërkimet për gjetjen e fëmijës rreth 7 vjeç vijojnë, pasi dyshohet se ajo është marrë nga rrjedha e lumit.
