Komisioni i BE-së synon të vendosë sanksione ndaj Izraelit për shkak të situatës katastrofike në Gaza. Bëhet fjalë për ndërprerjen e bashkëpunimit me Izraelin në kuadër të programit për promovimin e kërkimit shkencor “Horizon Europe”.
Megjithatë, Gjermania nuk pajtohet me këto masa të BE-së. Ministri i Jashtëm gjerman, Johann Wadephul u shpreh se sanksionet në fushën e kërkimit shkencor nuk pritet të kenë ndikim në vendimmarrjen politike dhe veprimet ushtarake të Izraelit në Rripin e Gazës.
Ai theksoi se Gjermania ka kufizuar tashmë furnizimin me armë drejt Izraelit, një masë që sipas tij është më e përshtatshme. Përmes këtij vendimi, Gjermania e ka “bërë shumë të qartë” refuzimin e saj ndaj planeve izraelite për të pushtuar Gazën.
Ajo që nevojitet tani, theksoi Wadephul, është “gatishmëria për të rënë dakord për një armëpushim” në Rripin e Gazës nga ana e të gjitha palëve ndërluftuese.
Nga ana tjetër, shefja e politikës së jashtme të BE-së, Kaja Kallas, deklaroi se qëndrimi ndaj sanksioneve ndaj saj nuk ka shumicë midis anëtarëve “përçon mesazhin se jemi të ndarë”.
