Presidenti amerikan Donald Trump ka pranuar ftesën e PGA TOUR për të shërbyer si kryetar nderi i Presidents Cup 2026, turneut prestigjioz të golfit që do të mbahet në Medinah Country Club, në Çikago, nga 22 deri më 27 shtator 2026.
Të lidhura
None found
Trump do të rikthehet në këtë funksion pas pjesëmarrjes së tij si kryetar nderi në edicionin e vitit 2017, i cili u zhvillua në New Jersey.
Sipas PGA TOUR, përfshirja e tij është në përputhje me traditën e Presidents Cup, që në këtë aktivitet ndërkombëtar fton figura të njohura dhe liderë nga e gjithë bota.
Presidents Cup organizohet çdo dy vjet dhe vë përballë ekipin e Shteteve të Bashkuara me një skuadër ndërkombëtare, ku nuk bëjnë pjesë lojtarët europianë. Deri tani, SHBA ka triumfuar në 13 nga 15 edicionet e turneut.
