551 të vdekur nga Covid-19 në 24 orë në Itali

Italia vijon të ketë numër të lartë të fataliteteve nga Covid-19. Në 24 orët e fundit në shtetin fqinj janë regjistruar 551 të vdekur.

Sipas Autoriteteve shëndetësore, bëhet fjalë për një nga shifrat më të larta të javëve të fundit, ndërkohë që shënon rritje të dukshme nga dita e djeshme, kur ishin 386.

Rritet edhe numri i të infektuarve, 18765, por krahas dyfishimit të testimeve nga dita e djeshme. Kjo ndikon edhe në nivelin e pozitivitetit, që bie në 5.6% nga 8.1% i ditës së mëparshme.

Shtuar 23.03.2021 07:03