Policia në shtetin Assam të Indisë ka arrestuar më shumë se 1,800 burra që ishin martuar osë planifikonin të martoheshin me vajza të mitura.
Policia filloi të bëjë arrestime në ditët e fundit, dhe shumica përfshinte njerëz që ndihmuan në kryerjen e dasmave të tilla në tempuj dhe xhami, tha Himada Biswa Sharma për Reuters.
“Martesa e fëmijëve është arsyeja kryesore pas shtatzënisë së fëmijëve, e cila nga ana tjetër është përgjegjëse për shkallën e lartë të vdekshmërisë së nënave dhe foshnjave”, shtoi ai.
Martesa nën moshën 18 vjeç është e paligjshme në Indi, por ligji po shkelet hapur.
Kombet e Bashkuara vlerësojnë se vendi ka numrin më të madh të nuseve fëmijë në botë me rreth 223 milionë.
Gati 1.5 milionë vajza të mitura martohen çdo vit, thotë një raport i vitit 2020 nga agjencia e OKB-së për fëmijë, UNICEF.
“Nga myslimanët te hindutë, të krishterët, fiset e deri tek ata që u përkasin komuniteteve të punëtorëve të plantacioneve të çajit, ka burra nga të gjitha besimet dhe komunitetet që janë arrestuar për këtë krim të tmerrshëm shoqëror”, tha Sharma.
