Gjithashtu ai shprehet se nënës dhe babit të tij nuk i hiqen lotët nga sytë.

“Vëllai im iku si hero duke shpëtuar jetë njerzish por shumë nëna do kishin qarë e duke pritur 3 ditë për nxjerrjen e trupave në atë bodrum të mallkuar por loti në sy i ka ngelur nënës dhe babës tim edhe për atë nip te vogël që na ka lënë. Heronjtë nuk vdesin kurrë por të drejten e vetë e duan uroj të reflektohet nga ana e prokurorisë më shumë se 12 muaj peng dosja as një informacion”, shprehet vëllai i heroit Edmond Sala.

Arjan Sala ishte babai i një fëmije të mitur dhe jetonte me bashkëshorten, djalin, nënën dhe babanë në një zonë periferike të Tiranës. Prej vitesh ishte punonjës sigurie i një kompanie private./albeu.com

The post “Loti në sy i ka ngelur nënës dhe babës”, vëllai i heroit Arjan Sala: Prokuroria e ka mbajtur peng dosjen appeared first on Albeu.com.

Vogëlushi është në mesin e 11 të tjerëve, prindërit e të cilëve ranë në krye të detyrës, morën statusin “Fëmijë në përkujdesje të Republikës”. Në ceremoninë e zhvilluar sot në Kryeministri, kreu i qeverisë Edi Rama vlerësoi edhe njëherë aktin dhe shembullin dinjitoz që Arjan Sala ka dhënë, ndërsa humbi jetën e tij.

Rama theksoi se ky është një amanet i përmbushur, ndërsa Aroni do të ketë përkujdesjen e shtetit për 20 vitet e ardhshme të jetës së tij. Kryeministri zbuloi gjithashtu se ideja për t’i dhënë këtyre fëmijëve këtë status i erdhi ditën që vizitoi familjen e Arjan Salës.

“Rreziku më i madh që i kanoset çdo kujt në fakt, por sidomos një qeverie është që të jetojë me bindjen se i di të gjitha. Janë edhe ngjarjet, shembuj, nxitje që vijnë nga kontakti intensiv me shoqërinë dhe e pasurojnë dhe çojnë përpara programin e një qeverie. Një amanet të dëgjuar pa na u thënë të gjithë këta prindër që nuk jetojnë më. Një amanet të thënë pa fjalë Arjan Sala në shtëpinë  tij kur ai mungonte. Ishte e pranishme nusja e re dhe i ati, bashkë me familjarët e tjerë. ne i japim Aronit një mbështetje për 20 vitet e ardhshme me një mirënjohje të madhe jo vetëm për gjestin  të atit, por edhe nxitjen që i ati u bë që ne të jemi këtu sot”, u shpreh kryeministri. g.v/abcneës.al

The post Shteti merr në mbrojtje fëmijën e Arjan Salës për 20 vjet, Rama: Një amanet i dëgjuar pa na u thënë appeared first on Albeu.com.

Sot u publikua edhe ekspertiza ku lexohej qartë shkaku që solli zjarri masiv dhe rezultoi të ishte një shkëndijë elektrike.

Ka qenë një neon i vjetër që ka shkaktuar shkëndijën elektrike që ka sjellë zjarrin masiv duke shkaktuar edhe vdekjen e Arjan Salës, i cili u vetësakrifikua për të shpëtuar punëtorët që ndodheshin në magazinë.

Konkluzionet përfundimtare të ekspertizës kanë zbuluar se neoni ishte i amortizuar dhe në pjesën më të madhe qëndronte i tejnxehur dhe ndodhej shumë pranë një dollapi me rroba sintetike. Si pasojë e shkëndijës, rrobat aty pranë morën flakë dhe zjarri u përhap në mënyrë masive në të gjithë magazinën

The post Nuk kishte kushte për raste emergjence, 2 milion lekë gjobë magazinës ku vdiq Arjan Sala appeared first on Albeu.com.

Njoftohet se zjarri në magazinën e qendrës tregtare u shkaktua nga shkëndija elektrike e një neoni të vjetër. Ky është konkluzioni përfundimtar që kanë nxjerrë ekspertët e shërbimeve zjarrfikëse, në sajë të ekspertizës së kryer prej tyre.

Sipas ABCNews nga hetimet ka rezultuar që neoni ishte në gjendje jo të mirë dhe gjysmë i amortizuar dhe në pjesën më të madhe të kohës qëndronte i tejnxehur. Ngjitur me tavanin ku ishte vendosur neoni ndodhej edhe një raft me rroba sintetike që si pasojë e shkëndijës ato janë përfshirë menjëherë në flakë duke bërë kështu që flakët të përhapen me shpejtësi dhe në gjithë magazinën.

Bëhet me dije se përgjigja përfundimtare e ekspertizës ka dalë 10 ditë më parë dhe është dorëzuar në Prokurorinë e Tiranës, institucion ky që po kryen hetimet e mëtejshme. Nga ana tjetër, prokuroria ka marrë gjithashtu një ekspert të pavarur i cili do të vërtetojë nëse kabujt elektrikë në garazhin e qendrës tregëtare të modifikuar si magazinë, ishin ose jo të amortizuar.

Njoftohet se për mosmarrjen e masave për mbrojtjen nga zjarri, shërbimi zjarrfikës ka gjobitur me dy milionë lekë të vjetra pronarin e qendrës tregtare.

Arjan Sala, i cili shpëtoi 25 persona të tjerë të cilët punonin në atë magazinën, u shpall pak kohë më parë Dëshmor i Atdheut dhe pati një mbështetje të madhe nga të gjithë bashkëkombësit për familjen  e tij./Opinion.al

The post Del ekspertiza, ja shkaku i zjarrit në magazinën ku vdiq Arjan Sala appeared first on Albeu.com.

Nga institucioni i akuzës mësohet se për të verifikuar shkakun e vërtetë të zjarrit, pjesë e grupit të hetimit është bërë edhe një inxhinier elektrik i pavarur.

Ky i fundit do të behët pjesë e hetimeve me qëllim për të përcaktuar shkakun e vërtetë të zjarrit që shkrumboi magazinën, raporton abc news.

Kjo pasi nga hetimet paraprake dyshohet se zjarri është shkaktuar nga një neon i vjetër në magazinën e qendrës tregtare. Gjithashtu sipas burime janë duke u kryer verifikime edhe nëse janë respektuar rregullat në për mbrojtjen në punë, kjo pasi në këtë ngjarje humbi jetën edhe Arjan Sala.

Sot, bëhet një javë nga zjarri teksa hetuesit janë në pritje të përgjigjes së ekspertizës të marrë në vendngjarje.

The post Vdekja e Arjan Salës brenda magazinës së pushtuar nga zjarri, ekspertiza mban peng hetimet appeared first on Albeu.com.

Pas 24 orë përpjekjesh edhe forcat zjarrfikëse janë dorëzuar dhe kanë kërkuar ndihmën e ushtrisë e cila ka dërguar dy grupe të specializuara për ndërhyrjet në rastet e zjarrit. Kjo ka treguar edhe një herë mungesën e kapaciteteve dhe pajisjeve të shërbimit zjarrfikës për ngjarje të cilat kanë nevojë për ndërhyrje të specializuara.

Por nuk është vetëm kaq: Sot një zjarrfikës nuk merr rrogën që meriton dhe as pushimet që i takojnë me Kod Pune, ndërkohë që çdo ditë ai përballet jo vetëm me rrezikun për jetën, por edhe me mungesa të theksuara në punën e përditshme.

I ftuar në “Wake Up”, kryetari i Sindikatës së Pavarur të Zjarrfikësve, Bledar Barjami deklaroi se nuk kanë pajisjet dhe as veshjet e duhura për të përballuar situata të vështira.

“Rrobat zjarrduruese janë për një zjarr banese, për një zjarr në ambiente të jashtme që e durojnë zjarrin deri në një pikë. E kam ngritur edhe më parë si mungesë. Rrobat që ne kemi është njësoj si ato që ke një mish ta mbështjellësh me letër alumini ta fusësh në furrë.

Kamerat termike ne nuk i kemi pasur kurrë. Bombolat tona arrijnë deri në 20 minuta të durojnë dhe oksigjeni vjen shumë i ngrohtë kur ka temperatura të larta.

Ne marrim kompresorë dhe kompromojmë ajrin me bombola. Kjo nuk është e shëndetshme dhe nuk është zgjidhje,. Vendos kompresorët, ndërron bombolat”, deklaroi Barjami.

I pyetur nëse do kishin pajisjet e duhura, gjërat do kishin shkuar ndryshe për Arjan Salën, ai u shpreh: “Them se po. Shpimi i soletës nga lart me aparatura të posaçme dhe të mbushej magazina nga sipër me shkumë, me ujë, me shkumë do të ishte efikase.

Të paktën nuk do kishim përfunduar kështu, tre ditë duke fikur një zjarr. Trupi i njeriut ka një veti që asimilon menjëherë dioksidin e karbonit. Zjarrfikësit kanë punuar 24 orë pa ndërprerje”.

The post Arjan Sala do të kishte shpëtuar po të ishin mjetet e duhura, kreu i sindikatës tregon mungesën e mjeteve të punës appeared first on Albeu.com.

Siç shihet në pamjet e publikuara, punonjësit e sigurisë së objektit kanë qenë duke vijuar punën të qetë e më pas kanë nisur lëvizjet. Punonjësit e sigurisë dhe shërbimet e tjera të qendrës tregtare vrapojnë për t’u largua nga godina.

Ndërkohë Erzen Breçani, që është ish-polic dhe drejtuesi i kompanisë së sigurisë që merrej me ruajtjen e objektit ka shpjeguar të gjithë kronologjinë e ngjarjes.

Braçani ka treguar se ende nuk dihet shkaku i ngjarjes, por shtoi se deri tani dyshohet se ka qenë një shkëndijë elektrike. Ai shtoi se Arjan Sala kur është njoftuar për zjarrin ka vijuar operacionin e evakuimit të punonjësve të tjerë dhe po ashtu ka tentuar që të fikë zjarrin.

Arjan Sala, i cili punonte si roje sigurie, humbi jetën si pasojë e një zjarri të rënë pasditen e së mërkurës së shkuar në magazinën e një qendre tregtare në kryeqytet.

Trupi i tij i pajetë u gjet pas 3 ditësh nga rënia e zjarrit, që dyshohet se u shkaktua nga një masë në kabullin e neonëve. Menjëherë sapo ra zjarri, ai i fut së bashku me rojet e tjera të sigurisë dhe nxorën jashtë të gjithë punëtorët.

Pas kësaj, 32-vjeçari mori një bombol dhe tentoi të fikte zjarrin në vatrën e tij. Por flakët u përhapën me shpejtësi dhe ai nuk mundi të dalë.

Në ekspertizën paraprake thuhet se 32-vjeçari ka tentuar të dalë nga një derë e emergjencës, por besohet se është rrëzuar për shkak të errësirës dhe tymit të dendur që kishte pushtuar magazinën. Më pas flakët janë riaktivizuar dhe temperatura në brendësi arriti mbi 900 gradë. Arjan Sala la pas bashkëshorten dhe një fëmijë të vogël.

The post Pamjet e fundit nga Arjan Sala: Shkon me vrap për në magazinën ku ka rënë zjarri appeared first on Albeu.com.

Qeveria ka vendosur të akordojë shumën prej 1 mln lekësh për familjen e të ndjerit Arjan Sala.

33 vjeçari humbi jetën pas rënies së zjarrit në një qendër tregtare në Tiranë.

Ai hyri mes tymit për të shpëtuar të tjerët që ndodheshin në katet nëntokësore të ndërtesës. Sala u gjet pas tri ditësh i vdekur në një dhomat i asfiksuar nga tymi.

The post U shpall “Dëshmor i Atdheut”, Rama i jep 1 milion lekë familjes së Arjan Salës (FOTO LAJM) appeared first on Albeu.com.

Në një lidhje direkte per Klan, Edmond Sala u shpreh se vëllai i tij ishte zemërgjerë dhe prandaj sot nuk po qajnë 22 nëna shqiptare por vetëm një nënë.

Pjesë nga emisioni:

Rudina Magjistari: Ai u hodh për të shpëtuar jetët e të tjerëve, pa menduar aspak për veten e tij dhe pa menduar për rrezikun që e priste. Nuk mendoi për asgjë por vetëm u hodh në zjarr. Çfarë do na thonit pak për Arjanin? Si do e përshkruanit atë?

Edmon Sala: Për Arjanin nuk di se çfarë të them, unë e kam vëlla edhe ai ka qenë një zemërgjërë që dogji veten e tij për të nxjerrë kolegët dhe gjithë punonjësit e magazinës. Ishte i mirë në zemër. Sot mund të qanin 22 ose 23 nëna shqiptare, por tani paska qenë fati im dhe i familjes sime që të vajtojmë ne. I bashkëshortes, nënës, djalit të vogël.

Rudina Magjistari: Kur ishte takimi i fundit me Arjanin?

Edmond Sala: S’mund të flas më (qan). Në darkë, një natë më parë. Ai ka qenë turni i dytë, ka marrë shërbimin nga ora 13:30-14:00.

The post Vëllai rrëfen mes lotësh takimin e fundit me Arjan Salën: Sot mund të qanin 22 nëna! appeared first on Albeu.com.

Bashkëshortja e të ndjerit, ka dalë para kamerave me certifikatën në dorë dhe me lot në sy, ajo tha: “Është hero”. 

Sala la pas një fëmijë vetëm 2 vjeç. Në përpjekje për të shpëtuar punonjësit e tjerë nga flakët që përfshinë magazinën e një qendre tregtare, Sala mbeti i bllokuar dhe doli i pajetë pas disa ditësh.

Ndërsa xhaxhai i të ndjerit doli në një prononcim për mediat duke thënë: “Sapo na ka bërë një vizitë kryeministri Edi Rama, së bashku me kryetarin e Bashkisë Erion Veliaj dhe i ka dorëzuar familjes të të ndjerit Arjan Sala certifikatën ‘Dëshmor i Kombit’, të cilën ja ka dorëzuar babait, por në pamundësi që ai të flasë, është vëllai i Arjanit, Edmondi që do jua paraqesë.”

The post Bashkëshortja e Arjan Salës me lot në sy: Është hero! (FOTO LAJM) appeared first on Albeu.com.