19 vjeçari Fisnik Halili nga Cërriku u la në burg pas akuzave për kryerjen e marrëdhënieve seksuale më një 11 vjeçare në qytetin e Lushnjes, në fshatin Toshkëz.
Ai u la në burg nga Gjykata e Lushnjës, por reagimi i avokates së tij ishte mjaft i çuditshëm.
Avokatja e tij mbrojtëse Eva Gjeta, pohoi se vendimi është i padrejtë, pasi djali nuk ka kryer marrëdhënie me të miturën.
Sipas avokates, ai kishte një javë njohje në rrjetet sociale dhe kishte rënë në dashuri, më pas ia prezantoi 11 vjeçaren familjes së tij sepse kishte qëllime serioze. Nga ana tjetër vajzës 11 vjeçe i është bërë vizita mjekësore dhe pritet përgjigja. Pretendimet e djalit 19 vjeçar janë se vajza e ka gënjyer për moshën duke iu paraqitur si 17-vjeçare.
Avokatja pohon se prokuroria e Lushnjës nuk paraqiti prova kundër 19-vjeçarit ne seancë megjithëse gjykata e la atë në burg. Pas kësaj mbrojtja do të apelojë vendimin.
Fisnik Halili u arrestua dy ditë më parë nga policia e Lushnjës në shtëpinë e tij në Cërrik dhe mbi të rëndon vepra penale marrëdhënie seksuale më të mitur./albeu.com/
