Aksident pranë Drejtorisë së Patentave në Fier. Aksidenti ka ndodhur në aksin hyrës për në qytetin e Fierit, ku janë përplasur dy makina me njëri-tjetrën e më pas kanë goditur edhe një tjetër automjet.
Njëri prej tyre është përplasur edhe me një shtylle ndriçimi. Tre automjetet e përfshirë në aksident janë të markës “Mercedes Benz”.
Sipas hetimeve paraprake, mësohet se njeri prej automjeteve, me targë AA 853 BI lëvizte me shpejtësi më të lartë se norma e lejuar ndërsa ka goditur makinën tjetër me targë AA 140BR që dilte nga parkimi.
Policia ndodhet në vendin e ngjarjes, teksa aksi kryesor hyrës për në qytet është bllokuar totalisht. Dëmet materiale janë të shumta, por fatmirësisht nuk ka të lënduar.
