Aksident i rëndë në Tiranë: Shoferja del nga rruga e përplas dy këmbësorë (VIDEO)

Një aksident i rëndë ka ndodhur mbrëmjen e sotme në Tiranë në zonën “Vasil Shanto”.

Burimet zyrtare bëjnë me dije se makina ka dalë nga rruga dhe ka plagosur dy këmbësorë në një stacion autobuzi.

Njoftimi i policisë: 

Tiranë/Informacion paraprak

Më datë 15.05.2021, rreth orës 20:55, në Vasil Shanto, mjeti me drejtuese shtetasen F. Z., 47 vjeçe, ka dalë nga rruga duke përfunduar në një stacion autobuzi. Si pasojë ka aksidentuar dy këmbësore të cilat u dërguan në spital, për të marrë ndihmë mjekësore, jashtë rrezikut për jetën.

Grupi hetimor ndodhet në vendngjarje dhe po punon për zbardhjen e rrethanave të ngjarjes. /albeu.com/

 


Shtuar 15.05.2021 21:28