5-vjeçarja u vra nga nëna e saj, flet për herë të parë babai: Martina është një përbindësh, nuk e meritonte Elenën

Detaje të reja dalin në dritë ditë pas dite nga vrasja e vogëlushës Elena Del Pozzo nga nëna e saj, Martina Patti.

Babai i 5-vjeçares, Alessandro ka folur për herë të parë, duke shprehur qartë se është i shkatërruar nga humbja e së bijës.

“I kisha premtuar gjithmonë vajzës sime se do ta mbroja si çdo baba i mirë. Do të jap jetën në vend të saj, i kërkova Zotit, por ai nuk pranon zëvendësime. Kurrë nuk e kisha menduar që duhet ta mbroja nga e ëma”, ka thënë Alessandro.

“Martina është një përbindësh që nuk e meritonte një vajzë si Elena, e veçantë dhe unike në gjithçka! Elena jeton! Çdo ditë! Brenda zemrës sime. …”, ka shtuar më tej ai.

Alessandro ka treguar gjithashtu se Martina i fliste keq vajzës për të atin dhe kur e kuptoi se nuk mund t’ia dilte, vendosi ta vriste vogëlushen.

Mediat italiane raportojnë se ai ka thënë se vrasja ishte e planifikuar, pasi Martina e kishte marrë vajzën nga kopshti një orë më parë.

“Ajo nuk u pendua as që vrau vajzën e vogël! Përkundrazi e futi Elenën në thasë plehrash, e varrosi, shpiku një rrëmbim duke krijuar një alibi dhe goditi makinën e saj për të shpikur një sulm! 24 orë gënjeshtra”, ka thënë ai.

“Elena kishte gjithë jetën përpara dhe kaq shumë synime për të arritur”, e mbyll Alessandro fjalën e tij, duke shpreur qartë pikëllimin e madh.