Procesi i zgjedhjes së nënkryetarëve të Kuvendit të Kosovës ka dështuar përsëri.
Të lidhura
None found
Pas votimit të Ardian Golës në postin e nënkryetarit, kandidatja e PDK-së, Vlora Çitaku, nuk arriti të sigurojë numrin e nevojshëm të votave. Pas këtij rezultati, deputetët e PDK-së u larguan nga salla.
Seanca konstituive u ndërpre pas zhvillimeve të fundit. Arbërie Nagavci, shefe e Grupit Parlamentar të VV-së, deklaroi se partia e saj nuk mund ta mbështesë një kandidate që, sipas saj, synon ta çojë vendin në zgjedhje.
“VV do ta votojë një kandidat të PDK-së për nënkryetar, por nuk mund ta votojmë zonjën Çitaku dhe nuk mund të vazhdojmë tutje në këtë situatë. Nuk votojmë dikë që ka synim të na dërgojë në zgjedhje. PDK-ja duhet të propozojë një nënkryetar, këdo që ata e vlerësojnë. I ftoj kolegët nga PDK-ja dhe LDK-ja të na mundësojnë konstituimin e Kuvendit”, tha ajo.
